00:00:00 DEVELOPER : MEDO (+250)788 280 532 INJIRA IYANDIKISHE
Yanditswe na MPEZAMIHIGO   Chris
November 24, 2016   saa  06:22:46

RDC: Hatangijwe ubukangurambaga bwiswe 'Bye Bye Kabila'

Tweet
google+
Instagram
Whattsapp

Ubwo bukangurambaga bwatangijwe n’impirimbanyi z’umutwe Filimbi na Lucha, Urubyiruko rwishyize hamwe kugira ngo rushakire umuti ibibazo biri muri iki gihugu. Ni muri uwo rwego rwahisemo gutangiza ubukangurambaga muri rubanda ku biteganywa n’Itegeko Nshinga ry’iki gihugu birimo umubare wa manda zigenewe umukuru w’igihugu, baboneraho no kwamagana icyemezo cya Perezida Kabila cyo kongera gukomeza kuyobora nyuma y’itariki ya 19 Ukuboza izarangirana na manda ye.

Gusa n’ubwo uru rubyiruko rwamagana ibi, ibiganiro byahuzaga leta n’abatavuga rumwe nayo baherutse kwemeza ko Perezida Kabila azakomeza kuyobora iki gihugu kugeza muri Mata 2018 ubwo hazaba amatora y’umukuru w’igihugu.

RFI dukesha iyi nkuru itangaza ko ubu bukangurambaga bwise ’Bye Bye Kabila’, bunagamije kandi kwamagana ibyo Perezida kabila aherutse gutangaza, avuga ku ibura ry’imirimo mu rubyiruko bigira ingaruka ku hazaza kandi bikanorohera abarushuka bagamije kurugira igikoresho.

Umwe mu batangije ubwo bukangurambaga yagize ati “Niba urubyiruko rumwibutsa ibiteganywa n’itegeko, amategeko si Lucha cyangwa Filimbi, ni Itegeko Nshinga, umutaka w’igihugu cyacu risaba Kabila kuva ku butegetsi.”

Yakomeje agira ati “Tuzi neza ko batazigera bategura amatora. Kuvuga ko nta mazi, nta Buruse zo kwiga, ibyo ni ukuri tubayemo muri iki gihe. Tuzemera amaraso yacu ameneke kubera ibyo kandi tuzagera kure nihubahirizwa uburenganzira bwa muntu."

Mu ijambo yageneye abaturage mu cyumweru gishize, Perezida Kabila yari yatangaje ko hari gahunda zitandukanye zo gufasha urubyiruko kwinjira mu rugamba rw’Iterambere ry’ubukungu n’imibereho myiza, gusa ibyo abatangije ubukangurambaga ntibabikozwa, bavuga ko ibyo atigeze abatekerezaho mu myaka 15 amaze ku butegetsi atari bwo yibutse kubikora habura iminsi 29 ngo asoze manda ze, bagahamya ko atigeze abyitaho.

Ubwo Minisitiri w’Intebe ucyuye igihe, Augustin Matata Ponyo yavugaga ijambo rimeze nk’incamake y’ibikorwa bye mu gihe yamaze ayobora guverinoma, yavuze ko uburezi bwari ku isonga mu byihutirwa mu mibereho myiza.

Kimwe na Perezida Kabila, Ponyo yavuze ko hagati ya 1990 na 2015, igice cy’ingengo y’imari yari igenewe uburezi cyavuye kuri 1% kigera kuri 16%, ariko kandi ko kuva mu 2006, umubare w’abanyeshuri mu mashuri abanza n’ayisumbuye nawo wazamutse ku kigero kiri hejuru ya 50%.

Ntibakozwa imyanzuro yo ku wa 18 Ukwakira

Abatavuga rumwe n’ubutegetsi kimwe n’urwo rubyiruko, ntibakozwa imyanzuro yo ku wa 18 Ukwakira yo kwigiza inyuma amatora, aho bavuga ko ibiyikubiyemo byumvikanyweho hagati ya Leta n’agace gato k’abatavuga rumwe n’ubutegetsi.

Nubwo amashyaka yabo yagiye atanga ibitekerezo by’icyakorwa ngo ibibazo bihagarare, urwo rubyiruko ngo ntiruzahwema gukora ubukangurambaga bwa ‘Bye Bye Kabila’, kugira ngo rwibutse n’ibiteganywa n’Itegeko Nshinga, bakanabifatanya no gusezera Perezida Kabila bavuga ko azaba acyuye igihe ku wa 19 Ukuboza, ubwo manda ye ya kabiri izaba irangiye.

Ubukangurambaga bw’urwo rubyiruko ngo buzakorwa mu gihugu hose. Gusa mu ijambo yavuze mu cyumweru gishize, Perezida Kabila yahamagariye abatarishimiye iby’ayo masezerano, abatavuga rumwe na leta gutuza bakayemera ndetse yihanangiriza urubyiruko kuba rwakivanga muri politiki.


Izindi Nkuru Bifitanye Isano


...

2016-11-23 2575

Niba ntagikozwe muburundi jenocide iratutumba!
Soma Birambuye
...

2016-11-16 298

Perezida Wa Congo( RDC) Joseph Kabila Yakuye Abaturage mu Ruhirahiro
Soma Birambuye
...

2016-11-12 1105

Mufatire iry’iburyo Trump Ashobora Kwicirwa ku Butegetsi nka Bagenzi be Bane.
Soma Birambuye
...

2016-10-17 260

Nick Minaj Yihakanye Trump Ku Munota Wa Nyuma.
Soma Birambuye
...

2016-10-07 305

Niki gitumye u burundi bufata icyemezo cyo kuva mu rukiko rwa ICC?
Soma Birambuye
...

2016-10-06 164

Igihugu cya Haiti, Umwuzure Umaze Guhitama Amagana n'amagana.
Soma Birambuye
...

2016-07-13 281

Goverinoma ya DRC yashatse kwivugana Moise Katumba.
Soma Birambuye

TANGA IGITEKEREZO

Amabwiriza

IBITEKEREZO BYANYU KURI IYI NKURU

Ntagitekerezo kirashyirwaho, Bimburira Abandi!

Kumenyekanisha

Kumenyekanisha